افعال

• یونیورسٹی کی تعلیمی ضروریات کے لیے تازہ درسی مواد اور کتب کی تیاری۔
• دیگر اداروں / ناشرین کے ذریعے شائع کردہ لازمی مواد / کتب کا ترجمہ ۔
• حسب ِ ضرورت مواد کی کمپوزنگ 'بازادارت اور نظر ثانی ۔
• دیگریونیورسٹیوں کے درسی اور مطالعاتی مواد کا ترتیب ِ نو اور اس کا اُردو میں ترجمہ ۔
• مضمون واری فرہنگوں کی تیاری ۔
• متعلقہ موضوعات پر تبادلۂ خیال کرنے اور اہم فیصلے لینے کے لیے ماہرین ِ مضمون کی میٹنگوں کا انعقاد۔
• تعلیمی استعمال کے لیے مشترکہ اُردو املا کو اختیار کرنا اور سادہ اور یکساں اردو کو پروان چڑھانا۔
• مضمون واری مصنفین ، مدیران اور مترجمین کی فہرست کی تیاری
• مصنفین، مدیران اور مترجمین کے لیے تربیتی پروگراموں کا انعقاد
• متعلقہ میدانوں میں ورکشاپس، سیمینارس اور سمپوزیا وغیرہ کا انعقاد۔
• یونیورسٹی اورشعبہ جاتی جرائد کی اشاعت و نیز انفرادی اساتذہ کی تصنیف شدہ اردوکتب کی اشاعت۔
• نایاب' اہم اور مشہور اردو کتب کی دوبارہ اشاعت
• متعلقہ اور منظور شدہ کتب کی اشاعت کے لیے آئی ایس بی این نمبر دستیاب کرانا۔
• کسی بھی دیگر مواد یا کتب کی تیاری / ترجمہ جسے اربا ب ِ یونیورسٹی/ مشاورتی کونسل(بورڈ آف مینجمنٹ برائے ڈی ٹی پی) لازمی اور مناسب سمجھے۔
ڈائرکٹوریٹ اپنے قیام کے ساتھ ہییونیورسٹی کے ذریعہ چلائے جانے والے مختلف کورسز کے لیے نصابی مواد/ کتب کی تیاری اور اشاعت کے فرائض کی انجام دہی میں مصروفِ عمل ہے۔ ڈائرکٹوریٹ دیگر زبانوں میں موجود ناگزیر اکتسابی مواد اور کتابوں کے اردو ترجمہ کا انتظام بھی کرتا ہے۔ڈائرکٹوریٹ کا یہ بھی منصوبہ ہے کہ متنوع علوم اور اصناف پر مبنی کتابوں کی تصنیف و تالیف اور طباعت ہو دیگر زبانوں میں دستیاب مشہور کتابوں کا اردو میں ترجمہ کرایا جائے اور اردو کی اہم اور نایاب کتابوں کو پھر سے شائع کیا جائے تاکہ علوم و فنون کے مختلف شعبہ جات میں اردو میڈیم سے وابستہ طلبہ' اساتذہ اور محبانِ اردو کو اپنے علم و فضل میںوسعت پیدا کرنے میں سہولت حاصل ہو سکے۔